ការចុះហត្ថលេខាលើកំណត់ត្រានៃកិច្ចពិភាក្សាស្តីអំពី “គម្រោងលើកកម្ពស់សេវាទឹកស្អាត និងអនាម័យ ដើម្បីទប់ស្កាត់ជំងឺកូវីដ១៩”
នៅថ្ងៃទី ១១ ខែតុលា ឆ្នាំ២០២១ ទីភ្នាក់ងារសហប្រតិបត្តិការអន្តរជាតិជប៉ុន បានចេញសេចក្តីជូនដំណឹង ស្តីពីការចុះហត្ថលេខាលើកំណត់ត្រានៃកិច្ចពិភាក្សាស្តីអំពី “គម្រោងលើកកម្ពស់សេវាទឹកស្អាត និងអនាម័យ ដើម្បីទប់ស្កាត់ជំងឺកូវីដ១៩”។
រដ្ឋាករទឹកស្វយ័តសៀមរាប (SRWSA) និងទីភ្នាក់ងារសហប្រតិបត្តិការអន្តរជាតិនៃប្រទេសជប៉ុន (JICA) ប្រចាំប្រទេសកម្ពុជា សូមធ្វើការប្រកាសព័ត៌មានស្តីអំពីការចុះហត្ថលេខាលើកំណត់ត្រា នៃកិច្ចពិភាក្សាស្តីពីការអនុវត្ត “គម្រោងលើកកម្ពស់សេវាទឹកស្អាត និងអនាម័យដើម្បីទប់ស្កាត់ជំងឺកូវីដ១៩” ក្រោមជំនួយសហប្រតិបត្តិការបច្ចេកទេសរបស់ប្រទេសជប៉ុន។ គម្រោងនេះគឺជាផ្នែកមួយនៃការគាំទ្រក្នុងគ្រាអាសន្នពីរដ្ឋាភិបាលប្រទេសជប៉ុន ដើម្បីឆ្លើយតបទៅនឹងសំណើរផ្លូវការរបស់រាជរដ្ឋាភិបាលកម្ពុជា។ យើងរំពឹងថាប្រជាពលរដ្ឋដែលរស់នៅក្នុងតំបន់គ្របដណ្តប់របស់គម្រោង និងតំបន់ដែលស្ថិតក្នុងការផ្តត់ផ្គង់របស់រដ្ឋាករទឹកស្វយ័តសៀមរាបនឹងទទួលបានអត្ថប្រយោជន៍។
ទីភ្នាក់ងារសហប្រតិបត្តិការអន្តរជាតិជប៉ុន
